Héraðsdómur Suðurlands féllst í dag á kröfu lögreglustjórans á Suðurlandi um að gæsluvarðhald yfir manni sem grunaður er um að hafa valdið dauða konu á Selfossi þann 27. apríl síðastliðinn skuli framlengt um fjórar vikur.
Maðurinn var handtekinn í heimahúsi á Selfossi þann 27. apríl síðastliðinn þar sem kona á þrítugsaldri fannst látin. Hann hefur setið í gæsluvarðhaldi síðan og hefur varðhaldið nú verið framlengt til 11. ágúst vegna fyrirliggjandi rannsóknarhagsmuna, að því er fram kemur í tilkynningu frá lögreglunni á Suðurlandi.