Lögreglan á Selfossi rannsakar ennþá mál manns sem réðst á konu á heimili hennar í Hveragerði í síðustu viku.
Gæsluvarðhaldsúrskurður yfir manninuum rennur út í dag en í dagbók lögreglunnar kemur fram að farið verði fram á framlengingu gæsluvarðhalds.
Maðurinn var handtekinn við Rauðavatn er hann var á leið til Reykjavíkur eftir að hafa barið konuna með hnúajárni.
Konan hlaut ekki alvarlega áverka en með tilliti til þess að maðurinn beitti vopni er verknaðurinn alvarlegur að mati lögreglu.