D-listinn í Árborg er með 7 bæjarfulltrúa af 11 og bætir við sig einum bæjarfulltrúa þegar fyrstu tölur hafa verið birtar úr Árborg.
Þegar búið er að telja 4.363 atkvæði, 45,6%, er D-listi Sjálfstæðisflokks með 52,9% atkvæða og 7 bæjarfulltrúa, B-listi Framsóknar er með 20,2% atkvæða og 2 bæjarfulltrúa og S-listi Samfylkingarinnar og óháðra er með 19,6% atkvæða og 2 bæjarfulltrúa.
Viðreisn er með 7,4% atkvæða og Heiðrún Kristmundsdóttir, oddviti framboðsins, er næst inn í bæjarstjórn. Hana vantar 8 atkvæði til að komast inn á kostnað Sigurbjargar Guðmundsdóttur, sjöunda manni D-listans.