Í dag eru átta manns í einangrun vegna COVID-19 á Suðurlandi og hefur fjölgað um sex síðan fyrir helgi.
Þessi smit eru þau fyrstu sem koma upp á Suðurlandi síðan 14. nóvember.
Þrír eru í einangrun á Selfossi, tveir í Vestmannaeyjum og þrír annars staðar að því er fram kemur í tölum frá HSU. Átta eru í sóttkví og 21 í landamærasóttkví.
Alls greindust átta manns með COVID-19 innanlands í gær, eftir því sem fram kemur á covid.is.