KFR náði í sitt fyrsta stig í 2. deild kvenna í knattspyrnu þegar liðið tók á móti Augnabliki á Hvolsvelli í dag.
Rangæingar komust yfir á 13. mínútu þegar fyrirgjöf Freyju Magnúsdóttur fór af einum Blikanna og í netið.
Staðan var 1-0 í hálfleik og þannig stóðu leikar allt fram á þriðju mínútu uppbótartímans þegar Augnablik náði að jafna metin. Úrslitin svekkjandi fyrir Rangæinga, 1-1 jafntefli, en um leið var fyrsta stiginu fagnað.
KFR lyfti sér af botni deildarinnar í dag, liðið er með 1 stig í 11. sæti en Augnablik er í 6. sæti með 10 stig.