Skömmu fyrir jól var tekin fyrsta skóflustungan að götunni Bergþórugerði á Hvolsvelli. Vinnuvélar eru nú komnar á svæðið og undirbúningur hafinn af krafti.
Það var Heiðar Þormarsson hjá Gröfuþjónustunni sem tók fyrstu skóflustunguna.
Um er að ræða fyrsta áfanga í uppbyggingu götunnar og verða sjö einbýlishúsalóðir í boði í þessum áfanga. Úthlutun lóðanna hefst í janúar og er gert ráð fyrir að þær verði tilbúnar til afhendingar þann 15. apríl næstkomandi.
Einnig munu rísa fjölbýlishús við götuna en lóðir undir þau verða auglýstar síðar.