Lögreglan á Selfossi gerði húsleit hjá íbúa fjölbýlishúss á Selfossi í gærkvöldi. Tveir fíkniefnahundar tóku þátt í leitinni.
Karlmaður sem býr í íbúðinni var grunaður um að hafa ólögleg fíkniefni í íbúð sinni sem hann ætlaði til sölu jafnframt eigin neyslu.
Fíkniefnahundar lögreglunnar á Selfossi og á Litla-Hrauni, Buster og Winkel, tóku þátt í leitinni og stóðu sig frábærlega. Í íbúð mannsins fundust um 250 grömm af kannabis og um 50 grömm af kannabis auk tækja og tóla til neyslu.
Nokkrir lítrar af bruggi fundust einnig og líka stangaveiðibúnaður sem grunur leikur á að sé þýfi.
Maðurinn var handtekinn og bíður yfirheyrslu. Haldlögðu efnin verða send til rannsóknarstofu til efnagreiningar.