Laugardaginn 13. júní kl. 14:00 mun Tandri Gauksson félagi í Fuglavernd leiða áhugasama og líta og hlusta eftir fuglum við Sogið undir Ingólfsfjalli.
Tekið verður á móti áhugasömum fuglavinum á bílastæði Alviðru. Gengið verður af stað kl. 14 niður að Sogi og hlustað og skimað eftir fuglum. Gangan er létt en hafa verður í huga, að við fuglaskoðun er mikið staðið, hlustað og horft, og því mikilvægt að vera vel klædd.
Fuglaskoðunin varir í um 2 klukkutíma. Gott er að vera í stígvélum eða góðum gönguskóm.
Eftir fuglaskoðun er boðið uppá kaffi, kakó og með því á bænum Alviðru í boði Alviðrustjórnarinnar, gestgjafinn er að þessu sinni Auður I. Ottesen sem situr í stjórn Alviðru. Það verður að sjálfsögðu spjallað áfram um fugla. Hægt verður að skoða uppstoppaða fugla sem eru geymdir í bænum.
13:30 Tekið á móti gestum á Alviðru.
14:00 Fuglaskoðun hefst.
16:00 Kaffi, kakó og spjall
Gott að hafa með sér: Sjónauka.
Munið að vera klædd eftir veðri.
Leiðarvísir
Alviðra er umhverfisfræðslusetur Landverndar norðan Selfoss. Beygt til norðurs af Suðurlandsvegi á Biskupstungnabraut og eknir um 6 km þar til komið er að vegamótum og beygt til vinstri á Grafningsveg og aftur til vinstri á heimreið Alviðru. Ef þið hafið ekið yfir brúna á Soginu þá eruð þið komin of langt.
