Hluti af rannsóknum Rannsóknarseturs Háskóla Íslands á Suðurlandi á fuglastofnum í landslagi íslenskra sveita felst í að afla frekari upplýsinga um þéttleika og ferðir rándýra.
Til þess að skoða hvaða dýr eru á ferðinni er hægt að setja upp sjálfvirkar myndavélar og fyrr í vetur setti Böðvar Þórisson nokkrar slíkar vélar upp á golfvallarsvæðinu á Svarfhóli við Selfoss.
Ein fuglaþúfan hefur vakið meiri athygli en aðrar en hún virðist vera hálfgerð umferðarmiðstöð. Þar hafa náðst á mynd tvær tegundir af uglum, fálki, smyrill og tófur. Eða eins og Vigfús Eyjólfsson orðaði það á Facebooksíðu Golfklúbbs Selfoss; „Fuglar og skollar á vellinum. Það passar!“
Myndirnar má sjá á Facebooksíðu Rannsóknarseturs Háskóla Íslands á Suðurlandi.