Lið Fjölbrautaskóla Suðurlands er úr leik í Gettu betur, spurningakeppni framhaldsskólanna, eftir tap gegn Fjölbrautaskólanum í Breiðholti í 16-liða úrslitum í Ríkisútvarpinu í kvöld.
Keppni kvöldsins var hörkuspennandi, staðan eftir hraðaspurningarnar var 15-16 FB í vil og eftir mikla spennu í bjölluspurningunum skriðu Breiðhyltingar fram úr og unnu að lokum 19-26.
Lið FSu var skipað þeim Elínu Karlsdóttur, Heimi Árna Erlendssyni og Valgeiri Gesti Eysteinssyni. Þjálfari liðsins er Stefán Hannesson.