Lið Fjölbrautaskóla Suðurlands vann góðan sigur á Menntaskólanum við Sund í spurningakeppni framhaldsskólanna, Gettu betur, í kvöld. Lokatölur voru 22-10.
Sigur FSu var aldrei í hættu en staðan að loknum hraðaspurningunum var 20-10.
Í kvöld var svo dregið í 16-liða úrslit í keppninni en FSu dróst á móti Kvennaskólanum og mætast liðin í hljóðstofu Ríkisútvarpsins annað kvöld, þriðjudagskvöld, kl. 19:30.
Í liði FSu eru þeir Gísli Þór Axelsson, Eyþór Heimisson og Runólfur Óli Daðason sem kemur nýr inn í liðið en Gísli Þór og Eyþór voru í liðinu í fyrra.