Friðrik Þórarinsson veiddi stærsta fisk sumarsins í Veiðivötnum í norðan roki og sandbyl þann 17. ágúst síðastliðinn.
Þessi risaurriði veiddist í Grænavatni og var rúm 16 pund og 74 sm. Þetta er næst þyngsti fiskur sem veiðst hefur á stöng í Veiðivötnum.
Stangaveiðitímabilinu lauk í Veiðivötnum síðastliðinn miðvikudag og nú tekur við netaveiðitími í 3-4 vikur.
Alls komu 20.393 fiskar á land í Veiðivötnum í sumar, 10.734 bleikjur og 9.659 urriðar. Þetta er svipuð veiði og undanfarin ár.