Evrópsku heilsulindarsamtökin ESPA hafa veitt Heilsustofnun NLFÍ í Hveragerði viðurkenningu fyrir framúrskarandi starf á stofnuninni í Hveragerði.
Viðurkenningin var veitt við hátíðlega athöfn á aðalfundi samtakanna í Haapsalu í Eistlandi í síðustu viku.
Í viðurkenningarskjalinu segir að Heilsustofnun fái þessa viðurkenningu fyrir framúrskarandi gæði og árangur við endurhæfingu, nýsköpun í vatnsmeðferð og staðfestu í heilbrigðisþjónustu í 70 ár.