Síðustu vikur hefur dregið úr rennsli í Vígðulaug á Laugarvatni og komið hafa tímabil þar sem ekkert vatn hefur runnið um hana. Þekkt er að laugin hefur þornað upp áður í langvarndi þurrkatíð, eins og verið hefur nánast síðan um síðustu jól.
Einnig hefur komið í ljós að það er samspil á milli hversins við gufubað Fontana og Vígðulaugar og framkvæmdir Fontana við endurnýjun steyptrar þróar við gufubaðshverinn hafa haft áhrif á vatnsstöðu. Dæla hefur þurft vatni frá hvernum og dregur þá úr rennsli í Vígðulaug.
Þegar dælingu er hætt seytlar vatn á ný um Vígðulaug en þegar ný þró við gufubaðshverinn verður tilbúin kemst sama jafnvægi á vatnsstöðuna og áður. Þar sem Vígðalaug er friðlýst er hún í umsjá Minjastofnunar og hefur Bláskógabyggð upplýst stofnunina um málið.
Laugarvatn og Laugardalur draga nafn sitt af Vígðulaug, sem áður hét Reykjalaug. Við kristnitöku á Íslandi var laugin vígð af prestum frá Noregi og notuð sem skírnarlaug.