Framboðslisti Sjálfstæðisflokksins í Árborg var samþykktur á fjölmennum fundi á Hótel Selfossi í kvöld. Bragi Bjarnason, deildarstjóri í frístunda- og menningardeild Sveitarfélagsins Árborg mun leiða listann en hann sigraði í prófkjöri flokksins sem fram fór þann 19. mars síðastliðinn.
Sjö efstu frambjóðendurnir í prófkjörinu hlutu bindandi kosningu. Í öðru sæti er Fjóla St. Kristinsdóttir, viðskiptafræðingur og ráðgjafi og þriðja sæti listans skipar Kjartan Björnsson, rakari og bæjarfulltrúi.
Bragi, oddviti listans, segir að mikil stemmning sé í hópnum og frambjóðendur finni fyrir miklum meðbyr meðal íbúa sveitarfélagsins. Bragi segist hlakka til næstu vikna og vonar að keppnin verði drengileg.
Listi Sjálfstæðisflokksins í Árborg er þannig skipaður:
1. Bragi Bjarnason, deildarstjóri hjá Svf. Árborg
2. Fjóla St. Kristinsdóttir, ráðgjafi
3. Kjartan Björnsson, rakari og bæjarfulltrúi
4. Sveinn Ægir Birgisson, starfsmaður Vallaskóla
5. Brynhildur Jónsdóttir, forstöðuþroskaþjálfi
6. Helga Lind Pálsdóttir, félagsráðgjafi
7. Þórhildur Dröfn Ingvadóttir, leikskólaliði/dagforeldri
8. Ari Björn Thorarensen, fangavörður
9. Guðmundur Ármann Pétursson, sjálfstætt starfandi
10. Anna Linda Sigurðardóttir, deildarstjóri í Vallaskóla
11. Jóhann Jónsson, framkvæmdastjóri
12. Maria Markovic, hönnuður og kennari
13. Björg Agnarsdóttir, bókari
14. Gísli Rúnar Gíslason, húsasmíðanemi
15. Ólafur Ibsen Tómasson, starfsmaður í Tengi og Brunavörnum Árnessýslu
16. Viðar Arason, öryggisfulltrúi
17. Olga Bjarnadóttir, framkvæmdastjóri
18. Esther Ýr Óskarsdóttir, lögfræðingur
19. Ragna Berg Gunnarsdóttir, kennari
20. Óskar Örn Vilbergsson, framkvæmdastjóri og slökkviliðsmaður
21. Jón Karl Haraldsson, fyrrverandi fiskverkandi og skipstjóri
22. Guðrún Guðbjartsdóttir, eftirlaunaþegi