Fjölmennur félagsfundur Samfylkingarinnar í Árborg samþykkti í gær einróma framboðslista Samfylkingar og óháðra vegna sveitastjórnarkosninganna þann 16. maí næstkomandi.
Framboðslistann skipa reynslumiklir einstaklingar sem sitja í bæjarstjórn Árborgar auk nýrra frambjóðenda sem nú stíga sín fyrstu skref í sveitarstjórnarmálum. Sigurjón Vídalín Guðmundsson, bæjarfulltrúi, leiðir listann og í 2. sæti er Margrét Björk Ólafsdóttir, hjúkrunastjóri og Brynjar Þór Elvarsson, stjórnsýslufræðingur, skipar 3. sætið. Arna Ír Gunnarsdóttir, sem verið hefur bæjarfulltrúi Samfylkingarinnar undanfarin tólf ár, skipar heiðurssætið.
„Listinn hefur á að skipa sterkum hópi fólks sem vill leggjast saman á árarnar við að létta daglegt líf fólks. Sveitarfélagið Árborg á að vera samfélag þar sem þjónusta og bæjarbragur standa undir væntingum íbúa. Við viljum taka ábyrgð á að byggja upp sveitarfélagið með skýrri sýn og góðu samstarfi við íbúa. Markmið okkar er að taka á þeim verkefnum sem blasa við og byggja upp sterkt og lifandi samfélag,“ segir í tilkynningu frá framboðinu.
Framboðslisti Samfylkingar og óháðra í Árborg 2026:
1. Sigurjón Vídalín Guðmundsson, sérfræðingur hjá Vegagerðinni og bæjarfulltrúi.
2. Margrét Björk Ólafsdóttir, hjúkrunarstjóri.
3. Brynjar Þór Elvarsson, stjórnsýslufræðingur.
4. Elísabet Björgvinsdóttir, skemmtanastjóri, samfélagsmiðlastjóri og þjálfari.
5. Árni Magnússon, verkefnastjóri.
6. Elísabet Davíðsdóttir, lögfræðingur.
7. Margrét K. Sverrisdóttir, íslenskufræðingur.
8. Eva Gunnarsdóttir, skjalastjóri.
9. Einar Sindri Ólafsson, jarðfræðingur
10. Herdís Sif Ásmundsdóttir, kennari og hjúkrunarfræðingur.
11. Linda Ásdísardóttir, sérfræðingur á Byggðasafni Árnesinga.
12. Benoný Jónsson, líffræðingur, sérfræðingur á Hafrannsóknarstofnun og stöðvastjóri.
13. Renuka Chareyre, starfsmaður í grunnskóla.
14. Tinna Berg Rúnarsdóttir, leikskólakennari.
15. Svala Norðdahl, lífskúnstner.
16. Kristinn Hermannsson, rafvirki.
17. Davíð Kristjánsson, vélvirki.
18. Þorvarður Hjaltason, fyrrverandi framkvæmdastjóri SASS.
19. Margrét Frímannsdóttir, fyrrverandi alþingiskona.
20. Ástríður M. Sigurðardóttir, gæðastjóri.
21. Björgvin G. Sigurðsson, fyrrverandi alþingismaður og ráðherra.
22. Arna Ír Gunnarsdóttir, verkefnastjóri og bæjarfulltrúi.
