Framboðslisti B-listans í Árborg fyrir komandi sveitarstjórnarkosningar var kynntur og samþykktur einróma á fjölmennum félagsfundi Framsóknarfélags Árborgar í gærkvöldi.
„Á listanum er breiður og öflugur hópur fólks með fjölbreytta reynslu úr atvinnulífi og samfélagi Árborgar. Þar er fólk úr ólíkum áttum samfélagsins sem sameinast um vilja til að leggja sitt af mörkum til áframhaldandi uppbyggingar sveitarfélagsins. Reynslan á listanum er mikil. Tveir af núverandi bæjarfulltrúum Framsóknar halda áfram á listanum og þar að auki er þar að finna fólk sem hefur starfað í sveitarstjórnum og á Alþingi, ásamt nýju fólki sem kemur inn með ferska sýn,“ segir í tilkynningu frá framboðinu.
Matthías Bjarnason, tæknimaður og varabæjarfulltrúi, er nýr oddviti listans en Arnar Freyr Ólafsson, fyrirækjaráðgjafi, sem leiddi listann fyrir fjórum árum skipar 3. sætið. Ellý Tómasdóttir, bæjarfulltrúi, skipar 2. sætið eins og í kosningunum 2022.
Listi Framsóknar í Árborg er þannig skipaður:
1. Matthías Bjarnason, tæknimaður og varabæjarfulltrúi
2. Ellý Tómasdóttir, bæjarfulltrúi, verkefnastjóri og forvarnarfulltrúi
3. Arnar Freyr Ólafsson, bæjarfulltrúi, framkvæmdastjóri og fyrirtækjaráðgjafi
4. Guðrún Rakel Svandísardóttir, skólastjóri
5. Magnús Benediktsson, rekstrarstjóri
6. Kristín Júlía Hannesdóttir, sjúkraþjálfari
7. Árdís Lilja Gísladóttir, grafískur hönnuður
8. Guri Hilstad Ólason, ráðgjafi og starfsmaður sendiráðs
9. Óskar Hróbjartsson, fangavörður
10. Ólafur Már Ólafsson, húsasmiður og bóndi
11. Ólafía Ingólfsdóttir (Lóa), eldri borgari
12. Þorvaldur Guðmundsson, umsjónamaður fasteigna hjá HSU
13. Böðvar Arnarsson, húsasmiður í meistara- og slökkviliðsnámi
14. Erna Guðjónsdóttir, tómstunda- og félagsmálafræðingur
15. Gissur Jónsson, starfsmaður Umf. Selfoss
16. Iða Marsibil, framkvæmdastjóri
17. Guðmundur Heiðar Ágústsson, slökkviliðs og sjúkraflutningamaður
18. Sólveig Þorvaldsdóttir, bygginga- og jarðskjálftaverkfræðingur
19. Ragnar Geir Brynjólfsson, organisti og fyrrverandi kerfisstjóri
20. Gils Einarsson, fyrrverandi formaður Suðurlandsdeildar VR
21. Kolbrún J. Erlendsdóttir, formaður Suðurlandsdeildar VR og formaður Framsóknarfélags Árborgar
22. Hafdís Hrönn Hafsteinsdóttir, lögfræðingur og fyrrverandi þingmaður
