Sjálfstæðisfélagið Kári í Rangárþingi eystra hefur samþykkt framboðslista til næstkomandi sveitarstjórnarkosninga. Boðið verður fram undir formerkjum D-lista Sjálfstæðisflokks og annarra lýðræðissinna.
Anton Kári Halldórsson, sveitarstjóri, er áfram oddviti listans en í næstu sætum eru Aðalbjörg Rún Ásgeirsdóttir, bóndi í Stóru-Mörk og Andri Már Óskarsson, húsasmíðameistari og kylfingur á Hvolsvelli.
Listinn er skipaður eftirfarandi:
1. Anton Kári Halldórsson, sveitarstjóri
2. Aðalbjörg Rún Ásgeirsdóttir, bóndi
3. Andri Már Óskarsson, húsasmíðameistari
4. Hulda Dóra Eysteinsdóttir, sjálfstætt starfandi hrossaræktandi
5. Helgi Valur Smárason, stuðningsfulltrúi og fótboltaþjálfari
6. Anna Birna Þráinsdóttir, ferðaþjónustubóndi og fyrrverandi sýslumaður
7. Ólafur Þórisson, tamningamaður og bóndi
8. Írena Sif Kjartansdóttir, sjálfstætt starfandi veitingamaður
9. Bjarki Freyr Sigurjónsson, verkstjóri og kjötiðnaðarmeistari
10. Sandra Sif Úlfarsdóttir, kennari
11. Jón Pálmi Ólafsson, gangnasmiður
12. Einar Grétar Magnússon, fyrrverandi kennari og héraðsskjalavörður
13. Sigríður Karólína Viðarsdóttir, viðskiptafræðingur og sveitarstjórnarfulltrúi
14. Árný Hrund Svavarsdóttir, sjálfstætt starfandi og sveitarstjórnarfulltrúi
„Við göngum spennt til kosninga og hlökkum til að taka samtalið við íbúa Rangárþings eystra á komandi mánuðum,“ segir í tilkynningu frá D-listanum.