Neyðarlínan fékk tilkynningu um ferðamann sem hafði slasast á gönguleðinni að Háafossi í Þjórsárdal eftir hádegi í dag en talið er að hann hafi fótbrotnað.
Sjúkraflutningamenn frá Heilbrigðisstofnun Suðurlands voru kallaðir út en torfært var að hinum slasaða og þurfti aðstoð björgunarsveita í Árnessýslu að sækja hann og koma honum í sjúkrabíl.
Hann var síðan fluttur með sjúkrabílnum á slysadeild og var kominn þangað síðdegis.