Forval VG hafið í Suðurkjördæmi

Frambjóðendur VG í Suðurkjördæmi.

Fimm frambjóðendur sækjast eftir 1. sætinu í forvali Vinstri grænna í Suðurkjördæmi fyrir alþingiskosningarnar 25. september næstkomandi.

Forvalið hófst á miðnætti og lýkur klukkan 17.00 á mánudag. Verið er að kjósa frambjóðendur í fimm efstu sætin á lista hreyfingarinnar í Suðurkjördæmi.

Almar Sigurðsson, ferðaþjónustubóndi, Heiða Guðný Ásgeirsdóttir, bóndi og sveitarstjórnarmaður, Hólmfríður Árnadóttir, menntunarfræðingur og skólastjóri, Kolbeinn Óttarsson Proppé, alþingismaður og Róbert Marshall, leiðsögumaður sækjast öll eftir fyrsta sætinu.

Þá eru líka í framboði Sigrún Birna Steinarsdóttir, háskólanemi, Anna Jóna Gunnarsdóttir, hjúkrunarfræðingur og Helga Tryggvadóttir, náms- og starfsráðgjafi.

Niðurstöður kosningarinnar verða kynntar á mánudagskvöld.