Forseti Íslands, Guðni Th. Jóhannesson, fór í opinbera heimsókn í Skaftárhrepp í gær. Þar átti hann meðal annars fund með nýkjörinni sveitarstjórn og sótti svo með henni málstofu um sóknarfæri Skaftárhrepps sem haldin var í Kirkjubæjarstofu.
Forsetinn fór víða, heimsótti hjúkrunar- og dvalarheimilið Klausturhóla, leikskólann Kærabæ og Kirkjubæjarskóla, auk þess sem hann kom við á heilsugæslustöðinni, Hótel Laka og í fiskeldisstöð Klausturbleikju.
Í lok heimsóknarinnar bauð sveitarfélagið til samkomu í félagsheimilinu Kirkjuhvoli en þar var hátíðardagskrá í tengslum við 50 ára afmæli Kirkjubæjarskóla.