Miðvikudaginn 29. apríl, verða liðin 80 ár frá stofndegi Hveragerðisbæjar og verður afmælisdagurinn haldinn hátíðlegur af því tilefni.
Forseti Íslands, frú Halla Tómasdóttir, og eiginmaður hennar Björn Skúlason, fagna deginum með bæjarbúum. Dagskráin með forsetahjónunum er nokkuð þétt en hún stendur frá klukkan 8:30 að morgni og munu þau yfirgefa bæinn aftur rétt fyrir klukkan 13:00.
Hveragerðisbær hvetur bæjarbúa og fyrirtæki í bænum til að draga íslenska fánann að húni á afmælisdegi bæjarins í tilefni dagsins og heimsóknar forsetahjónanna.
Öllum Hvergerðingum er boðið að taka þátt í ákveðnum dagskrárliðum en dagskrána má sjá í heild sinni hér.