-1.7 C
Selfoss
Föstudagur 3. desember 2021
Heim Fréttir Formlegri leit að Rimu hætt

Formlegri leit að Rimu hætt

Dyrhólaey. sunnlenska.is/Sigurður Hjálmarsson

Lögreglan á Suðurlandi hefur ákveðið að hætta formlegri leit að Rimu Feliksasdóttur sem leitað hefur verið að frá því 23. desember síðastliðinn.

Þetta var ákveðið eftir fund með svæðisstjórn björgunarsveita á svæði 16, sem haldinn var í Vík í Mýrdal í gærkvöldi.

Rima er talin hafa fallið í sjó af Dyrhólaey þann 20. desember síðastliðinn og látist við það. Leit að henni hefur ekki borið árangur en henni hefur verið sinnt bæði formlega af stórum hópum björgunarsveitarmanna og einnig af minni hópum sem fylgst hafa með reki á fjörur á líklegum stöðum.

Fyrir liggur að því óformlega eftirliti verður áfram sinnt, eftir því sem aðstæður gefa tilefni til hverju sinni.

Fyrri greinGul viðvörun: Skafrenningur og lélegt skyggni
Næsta greinNorrænn heilsumatseðill slær í gegn á Selfossi