Lögreglan á Suðurlandi biður starfsfólk í ferðaþjónustu um að vera duglegt að upplýsa gesti sína um veðurspá morgundagsins og hvetja þá til að fylgjast vel með eða haga ferðaplönum sínum í samræmi við spána.
Veðurstofan hefur gefið út appelsínugula viðvörun vegna veðurs þegar kemur fram á morgundaginn en lögreglan býst við því að fjöldi ferðamanna fari af stað í fyrramálið í sæmilegu veðri en sitji uppi með að komast ekki heim að kvöldi.
Búist er við hvössum vindi og snjókomu og hefur Vegagerðin varað við því að færð muni spillast.