Þyrla Landhelgisgæslunnar var kölluð út rétt fyrir miðnætti í gærkvöldi vegna konu sem fannst úti í sumarhúsabyggð við Álftavatn í Grímsnesi.
Konan var meðvitundarlaus og orðin mjög köld þegar hún fannst. Hún mun hafa verið lengi úti áður en hún fannst.
Þyrlan var kölluð út klukkan tuttugu mínútur fyrir tólf í gærkvöldi og lenti þyrlan aftur við Landspítalann í Reykjavík rúmum 40 mínútum síðar.
Ekki er vitað um líðan konunnar eins og stendur.