Tvennt var flutt með þyrlu Landhelgisgæslunnar til Reykjavíkur eftir bílveltu á Laugarvatnsvegi, við Þóroddsstaði, síðdegis í dag.
Maður og kona um tvítugt voru í bílnum sem er mikið skemmdur ef ekki ónýtur. Þyrlan var þó ekki kölluð út en hún var á leið úr umferðareftirliti þegar tilkynning um slysið barst.
Ekki liggur fyrir hvort að fólkið sé mikið slasað eftir óhappið.