Allar björgunarsveitir á Suðurlandi og í Árnessýslu voru kallaðar út klukkan 13:20 í dag vegna svifvængsflugmanns sem hafði lent í vandræðum á Búrfelli í Þjórsárdal og var slasaður.
Töluverður viðbúnaður er vegna slyssins og voru einnig kallaðir til sjúkraflutningamenn frá Suðurlandi ásamt þyrlu Landhelgisgæslunnar.
Þyrlulæknir hlúði að manninum á vettvangi og var hann síðan fluttur með þyrlunni á slysadeild í Reykjavík.