Engin þrettándahátíðahöld verða á Selfossi í ár vegna samkomutakmarkana. Þó verður boðið upp á veglega flugeldasýningu, þar sem jólin verða kvödd.
Sýningin verður kl. 20:30 á Fjallinu eina við íþróttavöllinn og er hún í umsjón Ungmennafélags Selfoss í góðri samvinnu við Björgunarfélag Árborgar og Sveitarfélagið Árborg.
Þar sem flugeldasýningarnar eiga að sjást vel á stóru svæði eru íbúar og gestir vinsamlegast beðnir um að virða fjöldatakmarkanir og 2 metra regluna, vera í bílum þar sem það er hægt og með andlistgrímur þar sem þarf líkt og sóttvarnarreglugerðir segja til um.