Það er ekki einungis kosið til sveitarstjórnar í Flóahreppi í dag því kjósendur geta einnig tekið þátt í íbúakönnun um hug íbúa til sameiningar sveitarfélaga.
Ekki er um formlega íbúakosningu að ræða heldur óformlega könnun og eru niðurstöður. Könnunin er því ráðgefandi fyrir nýja sveitarstjórn og er gerð til að afla álits og auka lýðræðislega þátttöku íbúa.
Tvær spurningar eru á kjörseðlinum. Spurt er hvort kjósendur vilji að skoðuð verði sameining við annað/önnur sveitarfélög. Síðan er spurt, ef til viðræðna kæmi, hvert vildi fólk beina samtalinu. Þar er hægt að velja og forgangsraða eftirfarandi kostum:
- Eiga samtal við Árborg
- Eiga samtal við öll sveitarfélögin vestan við Flóahrepp (Ölfus, Hveragerði, Árborg)
- Eiga samtal við Skeiða- og Gnúpverjahrepp
- Eiga samtal við öll sveitarfélög í uppsveitum Árnessýslu
- Eiga samtal við sveitarfélög austan við Þjórsá (Ásahreppur)
- Öll Árnessýsla skoði sameiningu
- Annað, hvað?