Fjórir umsækjendur eru um starf prests í Árborgarprestakalli sem auglýst var laust á dögunum.
Einn umsækjandinn óskaði nafnleyndar en hinir fjórir eru sr. Guðrún Eggerts Þórudóttir sóknarprestur á Ólafsfirði, sr. Jóhanna Magnúsdóttir fyrrverandi sóknarprestur á Kirkjubæjarklaustri og Hilmir Kolbeins guðfræðingur.
Starfið var auglýst eftir að sr. Arnaldur Bárðarson var ráðinn prestur í Austfjarðaprestakalli. Miðað er við að nýi presturinn í Árborg geti hafið störf sem fyrst, en í síðasta lagi þremur mánuðum eftir að niðurstaða um ráðningu liggur fyrir.
Allar gildar umsóknir fara til valnefndar sem skal ná samstöðu um einn umsækjanda og í framhaldinu ræður biskup viðkomandi í starfið, að því gefnu að hann telji niðurstöður valnefndar reistar á lögmætum sjónarmiðum.