Félagsheimilið Fossbúð í Skógum hefur verið leigt út síðastliðin ár en leigusamningi var nýlega sagt upp og lauk honum um áramótin.
Á fjölmennum íbúafundi sem haldinn var í desember sýndu heimamenn því mikinn áhuga að leigja félagsheimilið undir þjónustustarfsemi tengda ferðamennsku. Í kjölfar fundarins var auglýst eftir áhugasömum aðilum og sóttu fjórir um.
Byggðaráð hefur farið yfir umsóknirnar og fundað með öllum umsækjendum en ákvörðun byggðaráðs mun væntalega liggja fyrir í þessari viku.
Kappkostað verður að félög- og heimamenn geti einnig nýtt húsið fyrir hefðbundna félagsstarfsemi undir Fjöllunum.