Umhverfisverðlaun Rangárþings ytra voru afhent í Árhúsum á Hellu í síðustu viku.
Verðlaunin voru veitt fyrir snyrtilegustu lóðir og garða í sveitarfélaginu og voru staðirnir opnir almenningi um síðustu helgi.
Verðlaunað var fyrir fjóra flokka; Snyrtilegasta lögbýlið er Skeiðvellir í Holtum en þar búa Sigurður Sæmundsson og Lisbeth Sæmundsson.
Fegursti garður í dreifbýli er á Hávörðukoti, lóð Sigurðar G. Blöndal og Irmu Blöndal.
Fegursti garður í þéttbýli er við Laufskála 6 á Hellu, garður í eigu Áslaugar Jónasdóttur.
Gistiheimilið Brenna og Hekla handverkshús, Þrúðvangi 35 – 37 á Hellu fengu sameiginleg verðlaun fyrir snyrtilegustu lóð fyrirtækis/stofnunar innan sveitarfélagsins en það voru þau Ragnheiður Jónasdóttir og Erlingur Gíslason, sem tóku á móti þeim verðlaunum.
Það var samgöngu-, hálendis- og umhverfisnefnd Rangárþings ytra, sem stóð fyrir verðlaunaafhendingunni.