Það var frábær stemmning og fjölmenni í dag á árlegri bílasýningu fornbílaeigenda á Landsmóti Fornbílaklúbbs Íslands sem haldið er á Selfossi um helgina.
Mótið var sett á Gesthúsasvæðinu í gærkvöldi en í dag fór fram bílasýning þar sem hátt í tvöhundruð gljáfægðir vagnar 25 ára og eldri voru til sýnis í veðurblíðunni á Selfossi.
Á sunnudag verða bílaleikir eftir hádegi á svæðinu en mótinu lýkur með hópakstri síðdegis.