Samtökin Til Vinstri við ESB efndu til fundar í Tryggvaskála á Selfossi síðastliðinn laugardag. Framsögumenn voru þau Frosti Sigurjónsson, rekstrarhagfræðingur og Sólveig Anna Jónsdóttir og var erindum þeirra vel tekið fyrir fullum sal af fólki.
Efni fundarins var Evrópusambandið, komandi þjóðaratkvæðagreiðsla og staða ríkja sambandsins sem fer síversnandi. Þá var komið inn hvernig verkalýðshreyfingin komi til með að þurfa að fara inn á línu fastgengisstefnu myntbandalagsins og þarf að undirgangast kröfu þess um verðstöðugleika sem veikir þar með samningsstöðu hreyfingarinnar.
Fundinum stýrði Ögmundur Jónasson, fyrrum ráðherra og formaður BSRB af mikilli kostgæfni og spunnust líflegar umræður þar sem margir tóku til máls.
