Lögreglumönnum á Suðurlandi er mikið áhyggjuefni ör fjölgun umferðarlagabrota í umdæminu. Í síðustu viku voru 154 ökumenn kærðir fyrir umferðarlagabrot.
Þetta kemur fram í dagbók lögreglunnar.
Þar af voru 143 kærðir fyrir hraðakstur, fimm fyrir ölvunarakstur og þrír fyrir akstur undir áhrifum fíkniefna.
Umdæmið er víðfemt og umferð hefur aukist í upphafi sumars en lögreglan segir að þrátt fyrir það sé þessi niðurstaða óásættanleg. Lögreglumenn muni ekki draga af sér í því að ná niður ökuhraða og öðrum brotum í umferðinni.