Fimmtán taka þátt í prófkjöri

Fimmtán taka þátt í prófkjöri Sjálfstæðisflokksins í Suðurkjördæmi sem fram fer þann 26. janúar næstkomandi. Sitjandi þingmenn flokksins í kjördæminu bjóða sig allir fram.

Utankjörfundaratkvæðagreiðsla hefst miðvikudaginn 2. janúar en hægt verður að kjósa bæði á skrifstofu Sjálfstæðisflokksins í Valhöll í Reykjavík og víða í kjördæminu.

Frambjóðendur í stafrófsröð:

  • Árni Johnsen, alþingismaður, Vestmannaeyjum
  • Ásmundur Friðriksson, f.v. bæjarstjóri, Garði
  • Friðrik Sigurbjörnsson, nemi og varabæjarfulltrúi, Hveragerði
  • Geir Jón Þórisson, f.v. yfirlögregluþjónn, Vestmannaeyjum
  • Halldór Gunnarsson, f.v. sóknarprestur, Hvolsvelli
  • Hulda Rós Sigurðardóttir, meistaranemi í opinberri stjórnsýslu, Höfn í Hornafirði
  • Kjartan Þ. Ólafsson, f.v. alþingismaður, Ölfusi
  • Magnús B. Jóhannesson, framkvæmdastjóri, Reykjanesbæ
  • Magnús Ingberg Jónsson, atvinnurekandi, Selfossi
  • Oddgeir Ágúst Ottesen, hagfræðingur, Hveragerði
  • Ragnheiður Elín Árnadóttir, alþingismaður, Reykjanesbæ
  • Reynir Þorsteinsson, löggiltur fasteigna-, fyrirtækja- og skipasali, Garði
  • Unnur Brá Konráðsdóttir, alþingismaður, Hvolsvelli
  • Vilhjálmur Árnason, lögreglumaður, Grindavík
  • Þorsteinn M. Kristinsson, lögreglumaður og sveitarstjórnarmaður, Kirkjubæjarklaustri