Fimm umsækjendur eru um starf sóknarprests í Víkurprestakalli og fimm umsækjendur um starf sóknarprests í Skálholti.
Um sóknarprestsstarf í Víkurprestakall sóttu Árni Þór Þórsson, mag. theol., Bryndís Böðvarsdóttir, mag. theol., Edda Hlíf Hlífarsdóttir, mag. theol., sr. Ingibjörg Jóhannsdóttir og einn umsækjandi óskar nafnleyndar.
Um sóknarprestsstarf í Skálholtsprestakalli sóttu sr. Arnaldur Arnold Bárðarson, Árni Þór Þórsson, mag. theol., Bryndís Böðvarsdóttir, mag. theol., sr. Dagur Fannar Magnússon og sr. Ingibjörg Jóhannsdóttir.
Nú fer í gang valferli en valnefndir prestakallanna munu velja sóknarprest úr hópi umsækjenda.