Björgunarsveitin Víkverji í Vík í Mýrdal fann í kvöld fimm ferðalanga sem villst höfðu á Sólheimasandi.
mbl.is greinir frá þessu.
Þegar fólkið hringdi í Neyðarlínuna fyrr í kvöld hafði það verið villt í um þrjá klukkutíma. Björgunarsveitarmenn gátu staðsett fólkið og vel gekk að finna hópinn þegar á staðinn var komið.
Fólkinu var orðið kalt þegar það fannst og fékk að ylja sér í bíl björgunarsveitarmanna áður en förinni var haldið áfram.