Fíkniefnasali handtekinn

sunnlenska.is/Guðmundur Karl

Lögreglan á Suðurlandi haldlagði fyrir skömmu um að bil 2 grömm af kannabisefnum hjá manni búsettum á Suðurlandi.

Í kjölfarið var ákveðið var að rannsaka málið frekar þar sem vísbendingar voru um að maðurinn væri í dreifingu efna.

Í því sambandi var farið í fjármálagreiningu hjá viðkomandi og nú liggur fyrir að á um það bil tveimur árum hafa um 20 milljónir króna farið í gegn um reikninga honum tengda fyrir utan laun og aðrar útskýrðar greiðslur.  

Maðurinn hefur við yfirheyrslur hjá  lögreglu kannast við brot sitt og dreifingu fíkniefna og segir það skýrast af fjármögnun hans á eigin neyslu. Málið er enn til rannsóknar en verður að henni lokinni sent ákæruvaldi til ákvörðunar um saksókn.