Björgunarsveitirnar höfðu í nægu að snúast í dag þó að álagið á þær hafi verið mest á höfuðborgarsvæðinu og Reykjanesi.
Hjálparsveitin Tintron í Grímsnes- og Grafningshreppi var kölluð út í dag þar sem ferðalangar lentu í vandræðum á jepplingi á Efri-Grafningsvegi.
Færðin var ekki góð á veginum og lauk bíltúrnum þannig að bílaleigubíll fólksins sat pikkfastur í Jónslaut. Fimm fullorðnir voru í bílnum ásamt einu barni og voru ferðalangarnir fluttir á Ion Hótel Nesjavelli en bíllinn var skilinn eftir.