Netaveiði í Þjórsá hefur farið dræmt af stað og veiði verið í minna lagi að sögn Einars H. Haraldssonar, bónda á Urriðafossi.
Einar sagðist kunna litlar skýringar á dræmri veiði fyrir utan að heldur lítið vatn væri í ánni auk þess sem hún væri ákaflega tær. Af því mætti ráða að litlu væri hleypt framhjá vatnsmiðlunarlónum nú.
Hafa verður í huga að veiði var einnig dræm framan af síðasta sumri og sagðist Einar halda að veiðin væri jafnvel heldur skárri núna.
Einar hóf netaveiði sína þann 12. júní sl.