Ferðamönnum boðið upp á fjallferðir

Í síðustu viku var undirritaður samstarfssamningur milli Rangárþings ytra og Íshesta sem felur í sér að Íshestar munu bjóða uppá ferðir fyrir ferðamenn í fjallferðir á Rangárvalla- og Landmannaafrétt haustið 2016.

Íshestar munu annast sölu á ferðum og allt utanumhald áður en ferðamönnum er komið í hendur fjallmanna. Eftir það munu ferðamenn fara með sem hluti af fjallmönnum og upplifa þeir því eins sterkt og hægt er þann einstaka hlut að fara á fjall.

Þetta er ekki í fyrsta skipti sem samstarfssamningur hefur verið á milli þessara aðila og hafa ferðamenn farið með á báða afréttina. Þetta hefur gefið virkilega góða raun.

f.v. Ágúst Sigurðsson sveitarstjóri, Skarphéðinn Berg Steinarsson framkvæmdastjóri Íshesta, Kristinn Guðnason fjallkóngur á Landmannaafrétti, Þórður Freyr Gestsson sölustjóri Íshesta og Ingimar Ísleifsson fjallkóngur á Rangárvallaafrétti.