Fengu styrk fyrir söguskilti við kirkjuna

Hveragerðisbær hlaut nýlega 390 þúsund króna styrk frá styrktarsjóði Eignarhaldsfélags Brunabótafélags Íslands til gerðar söguskiltis við Hveragerðiskirkju.

Á fundi bæjarráðs var þakkað fyrir góðar viðtökur við styrkumsókn bæjarins en bæjarráð fól bæjarráð menningar- og frístundafulltrúa að sjá um gerð skiltisins sem gera myndi grein fyrir kirkjustarfi í og við Hveragerði í gegnum árin.

Á undanförnum árum hefur verið unnið ötullega að uppsetningu veglegra söguskilta í bæjarfélaginu og nú eru þau orðin ellefu talsins. Hefur þessum skiltum meðal annars verið komið upp með tilstilli Eignarhaldsfélags Brunabótafélags Íslands sem styrkt hefur gerð þeirra reglulega.