Maður sem var við vinnu á þaki útihúss í Mýrdalnum í síðustu viku rann til og féll fram af þakinu.
Í dagbók lögreglunnar á Suðurlandi kemur fram að fallið hafi verið um þrír metrar. Maðurinn var fluttur á sjúkrahús til aðhlynningar, en ekki kemur fram hversu alvarleg meiðsli hans eru.
Þá slasaðist drengur á hlaupahjóli síðastliðinn fimmtudag þegar ekið var á hann á gatnamótum Suðurengis og Tryggvagötu á Selfossi. Hann var fluttur til aðhlynningar á Heilbrigðisstofnun Suðurlands.
Lögreglunni á Suðurlandi var tilkynnt um tíu umferðarslys til viðbótar í síðustu viku en öll voru þau án alvarlegra meiðsla.