Ferðamaður á vélsleða slasaðist á þriðjudaginn í síðustu viku á Skálafellsjökli og sama dag slasaðist göngumaður á Sólheimajökli þegar hann sneri sig á færi.
Þetta kemur fram í dagbók lögreglunnar á Suðurlandi.
Tvö önnur slys voru tilkynnt til lögreglu í síðustu viku. Á fimmtudag slasaðist maður á höfði þegar hann féll úr tröppum rútu á Þingvöllum. Hann var fluttur með sjúkrabíl á sjúkrahús.
Á laugardag slasaðist svo ferðamaður á fæti á Skaftafellsjökli en hann gat komið sér sjálfur undir læknishendur, með aðstoð samferðamanna sinna.