Féll af vörubílspalli

Vinnuslys varð í Grímsnesi á fimmtudag þegar maður féll af vörubílspalli eftir að rafmagnsvír hafði slegist utan í hann.

Verið var að draga inn rafmagnsvír á kefli sem var á vörubílspallinum. Vírinn festist og þegar um hann losnaði slóst hann í manninn sem féll af pallinum um tvo metra.

Eftir fallið átti maðurinn erfitt um hreyfingu og var fluttur með sjúkrabifreið á heilsugæsluna á Selfoss.

Ekki er vitað á þessari stundu um meiðsli mannsins.

Starfsmaður Vinnueftirlitsins kom á vettvang til rannsóknar.