Félagsstarf fellur niður á Níunni 

Egilsbraut 9. Mynd/ja.is

Tekin hefur verið ákvörðun um að fella niður allt tómstundastarf aldraðra á Níunni í Þorlákshöfn næstu tvær vikur hið minnsta.

Ákvörðunin er tekin í ljósi fjölgunar smita í nærsamfélaginu og með tilliti til fólks sem er í viðkvæmri stöðu eða með undirliggjandi sjúkdóma.

Félagsstarfið fellur niður frá 27. október til 9. nóvember en öll önnur þjónusta við eldri borgara verður óbreytt. Í tilkynningu frá starfsfólki Níunnar er fólk hvatt til að huga að sóttvörnum og forðast mannamót að óþörfu.