Fékk aðsvif og keyrði á

Ökumaður fólksbíls fékk aðsvif með þeim afleiðingum að hann keyrði aftan á jeppa á Heiðmörk í Hveragerði í dag.

Hann var fluttur til skoðunar á sjúkrahúsi en báðir bílarnir eru talsvert skemmdir.

Ökumaðurinn var einn í bílnum en tveir voru í jeppanum. Þeir kenndu sér einskis meins. Að sögn lögreglunnar var ökumaðurinn hálfvankaður eftir slysið, eflaust vegna aðsvifsins, og var hann því færður undir læknishendur.

Jeppinn er talsvert skemmdur og fólksbíllinn óökufær.