Alvarlegt umferðarslys varð á Skeiðavegi við gatnamót Suðurlandsvegur um klukkan hálffimm á laugardagsmorgun þegar jeppabifreið með fjórum mönnum valt útfyrir veg.
Farþegi í framsæti mun hafa kastast út úr bifreiðinni og kjálka- og handleggsbrotnað. Ökumaður slasaðist á höfði. Báðir voru fluttir á Slysadeild Landspítala í Fossvogi.
Hinir farþegarnir tveir sluppu með minni háttar meiðsl.
Rannsóknardeid lögreglunnar á Selfossi rannsakar tildrög slyssins.
Tvær aðrar bílveltur urðu í umdæmi Selfosslögreglu í liðinni viku. Önnur á Biskupstungnabraut við Brúará og hin við Laugarvatn. Í báðum tilvikum voru á ferðinni erlendir ferðamenn sem sluppu með skrekkinn.