Fannst meðvitundarlaus í sundlauginni á Hellu

Þyrla Landhelgisgæslunnar flutti í dag konu á sjúkrahús til Reykjavíkur eftir að hún hafði fundist meðvitundarlaus í sundlauginni á Hellu.

Útkallið barst stjórnstöð Landhelgisgæslunnar klukkan 13:48.

Konan komst fljótlega til meðvitundar en hins vegar var það mat læknis á staðnum og læknis í áhöfn þyrlunnar að sækja konuna og flytja hana til Reykjavíkur.

Fór TF-LIF í loftið um stundarfjórðungi yfir tvö og lenti á Hellu tæplega 25 mínútum síðar. Gekk vel að koma sjúklingnum um borð og þyrlan lenti aftur í Reykjavík laust eftir klukkan þrjú.

Á mbl.is kemur fram að kon­an er ís­lensk og á sex­tugs­aldri. Samkvæmt upplýsingum frá lögreglunni á Suðurlandi brugðust starfs­menn sund­laug­ar­inn­ar hár­rétt við þeim aðstæðum sem komu upp í laug­inni.